Whispering a Dreamer

Ndang na so olo ahu mangalului ho

Ndang na so holong rohangki di ho

Alai sonari bereng ma au

Sai hulului do sude langkam

Naeng pajumpang dohot ho

Manghatahon sude na niarsak ni rohangki

Huboto do na holong roham di ahu

Ahu pe sae sihol do tondiku mangidaho

Alai diparsimpangani,

Ndang boi huhalupaon

Na lao ho marjumpang dohot donganki

Mambahen au ndang boi be manghataon sude na

`holan ho do na ni bagas ni rohangki`

Ndang na salah ho disi

Na au do na tor lao

Martahun lelengna sian ho

Sahat do tuparbegeonki

Na lulu-lulu do ho tu au

Na sai manungkun ho tu angka donganki `didia do au`

Tangis do au umbegei, haholongan

Nang pe songoni hasian,

Ndang na tor tata rohangki diho

Holong mi do na mambahen au sai hot disiholhi

Sai huingot do parengkelmi

Sahat tu marsapuluh taon on

Nunga leleng nian 

Na naeng ma au pajumpang dohot ho

Lao manghataon 

`Tong do au songon na jolo,

 Tong do holong au di ho,

 Tarhirim do au, hasian`

Sae ro do ho tu nipiku

Sae  ditiop ho do tanganku

Dipasandehon ho do dirim tu au

Asa unang be au lao sian ho

Masihol au tu ho, debo

Dung sonari

Ndang gogo be au 

Mardongan dohot siholon

Dok ma tu au 

`Ndang tarlupahon au diparlaoanmi`

Sae hubilangi bintang dilangiti,

Rap mandok au tu rohangku

Sai marujung ma nipiku tu ho on

Asa boi au lao mangalului boru na asing

Ala ndang boi au mardua roha

Ndang na so olo

Ndang no so holong